He aha te mahi?
Ka whakamahia te tiotropium ki te whakamaimoa i ngā raruraru whakahā pērā i te COPD me te huangō. Ka huaki tēnei i ngā arahau whāiti kia māmā ake te whakahā.
I mua i to tīmata
- Me kōrero atu ki tō rata mēnā kei te hapū koe, kei te whai rānei koe kia hapū koe, kei te whāngaiū rānei.
Me pēhea te whakamahi?
HandiHaler®: Me whakangā i ngā mea kei roto i ia pire tiotropium mā te whakamahi i te pūrere HandiHaler®, e ai ki ngā tohutohu o tō mātanga hauora. Kaua rawa e horomi i ngā pire.
Respimat®: Me auau te whakangā i te tiotropium mā te pūrere Respimat® e ai ki ngā tohutohu a tō mātanga hauora.
Ka pai ake te mahi a te tiotropium ina whakamahia i ia rā.
Mēnā he wawe tō hiahia i ngā rongoā whakamaene mai i ngā raruraru whakahā, me whakamahi i tō rongoā 'whakamāmā' (hei tauira, salbutamol, terbutaline rānei).
Ka aha mēnā ka wareware i a koe tētahi horopeta te kai?
Mēnā kua tata ki te wā mō tō horopeta whai ake, me waiho te horopeta i tāhapatia ka whakangā i tō horopeta whai ake i te wā e tika ana. Tērā rānei, me whakangā te horopeta i tāhapatia ina maumahara ana koe. Kaua rawa e whakangā ngā horopeta e rua i te wā kotahi.
Ka taea anō e koe ētahi atu rongoā te kai?
Me kōrero atu ki tō kaitaka rongoā, rata rānei mō ngā rongoā katoa, whakamaimoatanga rānei e whiwhi ana koe, tae atu ki ngā huaora, ngā hua otaota, ngā whakapōauau rānei.
He aha ngā hua kino ka rongo pea koe?
| Ngā Hua Kino | Tūtohutanga hei whai |
|---|---|
|
Waha maroke |
Me kōrero atu ki tō rata mēnā kei te mamae |
Ki te pā mai ētahi atu hua kino, me kōrero atu ki tō rata, kaitaka rongoā rānei.
Ētahi atu mōhiohio:
- Kia tūpato kei uru te puehu, te wainehu rānei mai i tō ngongō tiotropium ki ō karu. Ki te pā mai tēnei, me tino horoi i ō karu ki te wai.
- Ka hēmanawa ētahi tāngata e pāngia ana e te mate huangō i muri i te kai i ngā rongoā whakamaene mamae pērā i te aspirin (hei tauira, Aspec®), diclofenac (hei tauira, Voltaren®), ibuprofen (hei tauira, Nurofen®) rānei. Me kōrero atu ki tō mātanga hauora.
- Ka hē kē atu te whakahā i te whakamahi ngongō. Me kōrero atu ki tō mātanga hauora mō tēnei.
He mōhiohio hira kei roto i tēnei mātārere, engari ehara koinei ngā mōhiohio katoa, mō tēnei rongoā.
I whakaritea e te Komiti MyMedicines i te Hōhipera o Ōtautahi, Te Whatu Ora - Waitaha, Aotearoa. Poutū-te-rangi 2024
For more general information about this sheet and its contents, see: What does a My Medicines sheet cover?
Te Reo Māori
Te Reo Māori information sheets supported by Health Quality and Safety Commission New Zealand
Web links for this sheet in different formats
Click on buttons to copy web addresses for this leaflet:
If your browser does not automatically copy these links use its copy command instead.
About My Medicines
My Medicines Patient Information Leaflets (PILs) contain important, but not all, information about the medicines they describe.
For more information about the sheets, see: What does a My Medicines sheet cover?
My Medicines is developed by a team at Te Whatu Ora – Waitaha. Our team is made up of doctors, pharmacists, and a non-medical person to help us keep to plain language. We also discuss our information with specialist health professionals or groups when needed