He aha te mahi?

Whakamahia ai te furosemide hei whakaiti i te wai tuwhene i roto i tō tinana nā ngā raruraru o te manawa, ate, tākihi ranei.

I mua i to tīmata

• Me kōrero atu ki tō rata mēnā he mate tākihi, mate mimi, he mate kauti ōu rānei.
• Me kōrero atu ki tō rata mēnā kei te hapū koe, kei te whai rānei koe kia hapū koe, kei te whāngaiū rānei.

Me pēhea te kai?

Me kai i te furosemide e ai ki ngā tohutohu. Ka taea tēnei te kai i te taha o te kai, kāore rānei.
Whai muri i tō kai furosemide ka nui ake tō mimi, nō reira ka kainga e te nuinga o ngā tāngata i te ata.
Me kīnaki ngā pire ki te inu wai.
Āta inea te wē mā tētahi pūwero, pune ine rānei.

Ka aha mēnā ka wareware i a koe tētahi horopeta te kai?

Mēnā kua tata ki te wā mō tō horopeta whai ake, me waiho te horopeta i tāhapa ka kai i tō kai horopeta whai ake hei taua wā anō. Tērā rānei, me kai te horopeta i tāhapa ina maumahara koe. Kaua rawa e kai i ngā horopeta e rua i te wā kotahi.

Ka taea anō e koe ētahi atu rongoā te kai?

Ka tukituki pea ētahi rongoā ehara i te ōta rongoā ki te furosemide, pērā i ēnei:

• ngā pire ārai-whakakakā, pērā i te diclofenac (hei tauira, Voltaren®), ibuprofen (hei tauira, Nurofen®), aspirin rānei (hei tauira, Disprin®, kei ngā horopeta whakamauru mamae). Ka kitea ēnei i roto i ētahi rongoā rewharewha me te whurū (hei tauira, Nurofen Cold me te Flu®)

Me kōrero atu ki tō kaitaka rongoā, rata rānei mō ngā rongoā katoa, whakamaimoatanga rānei e whiwhi ana koe, tae atu ki ngā huaora, ngā hua otaota, ngā whakapōauau rānei.

He aha ngā hua kino ka rongo pea koe?

Ngā Hua Kino	Tūtohutanga hei whai
Ka rerekē te kapa manawa, ka uauawhiti, ngoikore rānei ngā uaua	Me kōrero atu ki tō rata
Mate kauti	Me kōrero atu ki tō rata mēnā kei te mamae
Ko ngā tohumate o te toto pūroto pērā i te pōātinitini, tāporepore rānei	Me āta tū ake. Mēnā kei te pā tonu mai, he tino kino rānei me kōrero atu ki tō rata.

Ki te pā mai ētahi atu hua kino, me kōrero atu ki tō rata, kaitaka rongoā rānei.

Ētahi atu mōhiohio:

• Me whiwhi aromatawai toto pea koe i a koe e kai ana i te furosemide hei tiro i te rahinga o te konurehu i roto i ō toto, ā, me te kite kei te pēhea te mahi a ō tākihi.
• Me putu te wē furosemide e ai ki ngā tohutohu. Ka mōnehu hei te 8 wiki i muri i tō huakitanga tuatahi i te pātara. Mēnā he toenga weu āu i muri i te 8 wiki, me whakahoki ki tō taka rongoā.