He aha te mahi?
Whakamahia ai te ticagrelor kia kore ai e tepetepe ō toto. Ka whakaiti tēnei i te tūpono pā mai o tētahi manawa-hē.
I mua i to tīmata
- Me kōrero atu ki tō rata mēnā he raruraru whakahā ōu, ate, he raruraru toto, he mate kauti rānei.
- Me kōrero atu ki tō rata mēnā kei te hapū koe, kei te whai rānei koe kia hapū koe, kei te whāngaiū rānei.
Me pēhea te kai?
Me kai te ticagrelor e ai ki ngā tohutohu me tētahi inu wai. Ka taea tēnei te kai i te taha o te kai, kāore rānei.
Ka aha mēnā ka wareware i a koe tētahi horopeta te kai?
Mēnā kua tata ki te wā mō tō horopeta whai ake, me waiho te horopeta i tāhapa ka kai i tō kai horopeta whai ake hei taua wā anō. Tērā rānei, me kai te horopeta i tāhapa ina maumahara koe. Kaua rawa e kai i ngā horopeta e rua i te wā kotahi.
Ka taea anō e koe ētahi atu rongoā te kai?
Ka tukituki pea ētahi rongoā ehara i te ōta rongoā ki te ticagrelor, pērā i ēnei:
- ngā pire ārai-whakakakā, pērā i te diclofenac (hei tauira, Voltaren®), ibuprofen (hei tauira, Nurofen®), aspirin rānei (hei tauira, Disprin®, kei ngā horopeta whakamauru mamae). Ka kitea ēnei i roto i ētahi rongoā rewharewha me te whurū (hei tauira, Nurofen Cold me te Flu®)
Me kōrero atu ki tō kaitaka rongoā, rata rānei mō ngā rongoā katoa, whakamaimoatanga rānei e whiwhi ana koe, tae atu ki ngā huaora, ngā hua otaota (hei tauira, St John's wort), ngā whakapōauau rānei.
He aha ngā hua kino ka rongo pea koe?
| Ngā Hua Kino | Tūtohutanga hei whai |
|---|---|
|
Kua iti ake ngā pūtau toto ka āwhina kia tepetepe ō toto – ko ētahi tohumate: he māmā, he rerekē rānei te toto Maremare, ruaki rānei i te toto, he rite te ruaki ki ngā korakora kawhe Ka toto te ihu He whero, pōuri rānei te mimi, he whero, pango rānei te hamuti Ānini māhunga, pōātinitini, ka rerekē te kite, te kōrero rānei |
Me wawe te kōrero atu ki tō rata |
|
Hēmanawa He māmā, he rerekē rānei te marū |
Me kōrero atu ki tō rata |
Ki te pā mai ētahi atu hua kino, me kōrero atu ki tō rata, kaitaka rongoā rānei.
Ētahi atu mōhiohio:
- He mea nui kia kōrero atu koe ki te hunga tuku whakamaimoatanga hauora, hauora niho rānei (hei tauira, rata, rata niho, kaitaka rongoā, rata take waewae rānei) kei te kai ticagrelor.
- Ka tukituki pea te huakerepe, wai huakerepe rānei, ārangi kawa/Seville rānei ki te ticagrelor. Me kōrero ki tō kaitaka rongoā.
He mōhiohio hira kei roto i tēnei mātārere, engari ehara koinei ngā mōhiohio katoa, mō tēnei rongoā.
I whakaritea e te Komiti MyMedicines i te Hōhipera o Ōtautahi, Te Whatu Ora - Waitaha, Aotearoa. Poutū-te-rangi 2023
For more general information about this sheet and its contents, see: What does a My Medicines sheet cover?
Te Reo Māori
Te Reo Māori information sheets supported by Health Quality and Safety Commission New Zealand
Web links for this sheet in different formats
Click on buttons to copy web addresses for this leaflet:
If your browser does not automatically copy these links use its copy command instead.
About My Medicines
My Medicines Patient Information Leaflets (PILs) contain important, but not all, information about the medicines they describe.
For more information about the sheets, see: What does a My Medicines sheet cover?
My Medicines is developed by a team at Te Whatu Ora – Waitaha. Our team is made up of doctors, pharmacists, and a non-medical person to help us keep to plain language. We also discuss our information with specialist health professionals or groups when needed