skip to main content

He aha te mahi?

Whakamahia ai te acarbose hei whakamaimoa matehuka mā te whakaiti i te ngongo o ngā huka mai i ngā kai.

I mua i to tīmata

  • Me kōrero atu ki tō rata mēnā kei te mate ō tākihi, tō ate, ō whēkau, he raru whakangawheretanga tōu rānei, mēnā rānei i hāparaparatia rānei tō puku inā tata nei.
  • Me kōrero atu ki tō rata mēnā kei te hapū koe, kei te whai rānei koe kia hapū koe, kei te whāngaiū rānei.

Me pēhea te kai?

Me kai te acarbose e ai ki ngā tohutohu. Ka taea te horomi me tētahi karāhe wai, te ngaungau rānei i te tīmatanga o te kai.

Ka aha mēnā ka wareware i a koe tētahi horopeta te kai?

Me waiho te horopeta i tāhapatia ka haere tonu e ai ki ngā tohutohu. Kaua e kainga ngā horopeta e rua i te wā kotahi, ā, kaua e kainga ngā horopeta i waenga kai.

Ka taea anō e koe ētahi atu rongoā te kai?

Me kōrero atu ki tō kaitaka rongoā, rata rānei mō ngā rongoā katoa, whakamaimoatanga rānei e whiwhi ana koe, tae atu ki ngā huaora, ngā hua otaota, ngā whakapōauau rānei.

He aha ngā hua kino ka rongo pea koe?

Ngā Hua Kino Tūtohutanga hei whai

Kōpukupuku, mangeo

Me kōrero atu ki tō rata

Patero, mamae puku, pupuhi te puku, mate tikotiko

Me kōrero atu ki tō rata mēnā kei te mamae

Ki te pā mai ētahi atu hua kino, me kōrero atu ki tō rata, kaitaka rongoā rānei.

Ētahi atu mōhiohio:

  • Aromatawaitia tō huka toto e ai ki ngā tohutohu a tō mātanga hauora.
  • Kaua e whakamahia ngā huka noa o te whare hei whakamaimoa i ngā huka toto pāpaku (he “hypo”) ina kai ana i te acarbose. Matapakitia ētahi atu kōwhiringa (hei tauira, ngā pire dextrose) me tō mātanga hauora.
  • Whakaitia te kai waipiro i te mea ka whakarerekēhia tō huka toto.

He mōhiohio hira kei roto i tēnei mātārere, engari ehara koinei ngā mōhiohio katoa, mō tēnei rongoā.

I whakaritea e te Komiti MyMedicines i te Hōhipera o Ōtautahi, Te Whatu Ora - Waitaha, Aotearoa. Poutū-te-rangi 2023

For more general information about this sheet and its contents, see: What does a My Medicines sheet cover?

Web links for this sheet in different formats

Click on buttons to copy web addresses for this leaflet:

If your browser does not automatically copy these links use its copy command instead.

About My Medicines

My Medicines Patient Information Leaflets (PILs) contain important, but not all, information about the medicines they describe.

For more information about the sheets, see: What does a My Medicines sheet cover?

My Medicines is developed by a team at Te Whatu Ora – Waitaha. Our team is made up of doctors, pharmacists, and a non-medical person to help us keep to plain language. We also discuss our information with specialist health professionals or groups when needed