He aha te mahi?

Whakamahia ai te diltiazem hei whakamaimoa i te kapa manawa pokapoka, toto pōrutu, uma tino mamae me ētahi atu mate i ētahi wā. Ka noho tika me te pūmau te kapa o tō manawa mā te whakahaere i ngā tohu tāhiko i tō manawa. He whakangohe anō i ngā ia toto, he whakaheke i te pēhanga toto, ā, ka māmā ake te tuku toto haere a tō manawa ki tō tinana.

I mua i to tīmata

• Me kōrero atu ki tō rata mēnā kei te hēnga manawa.
• Me kōrero atu ki tō rata mēnā kei te hapū koe, kei te whai rānei koe kia hapū koe, kei te whāngaiū rānei.

Me pēhea te kai?

Me kai te diltiazem e ai ki ngā tohutohu me tētahi inu wai. Ka taea tēnei te kai i te taha o te kai, kāore rānei.
Ngā pire tuku pōturi: Horopukuna ngā pire - kaua rawa e kopenu, e ngangau rānei.

Ka aha mēnā ka wareware i a koe tētahi horopeta te kai?

Mēnā kua tata ki te wā mō tō horopeta whai ake, me waiho te horopeta i tāhapa ka kai i tō kai horopeta whai ake hei taua wā anō. Tērā rānei, me kai te horopeta i tāhapa ina maumahara koe. Kaua rawa e kai i ngā horopeta e rua i te wā kotahi.

Ka taea anō e koe ētahi atu rongoā te kai?

Ka tukituki pea ētahi rongoā ehara i te ōta rongoā ki te diltiazem, pērā i ēnei:

• ngā pire ārai-whakakakā, pērā i te diclofenac (hei tauira, Voltaren®), ibuprofen (hei tauira, Nurofen®), aspirin rānei (hei tauira, Disprin®, kei ngā horopeta whakamauru mamae). Ka kitea ēnei i roto i ētahi rongoā rewharewha me te whurū (hei tauira, Nurofen Cold me te Flu®)

Me kōrero atu ki tō kaitaka rongoā, rata rānei mō ngā rongoā katoa, whakamaimoatanga rānei e whiwhi ana koe, tae atu ki ngā huaora, ngā hua otaota (hei tauira, St John's wort), ngā whakapōauau rānei.

He aha ngā hua kino ka rongo pea koe?

Ngā Hua Kino	Tūtohutanga hei whai
Ko ngā tohumate o te kapa manawa pōturi, pokapoka rānei ko te: rongo i tō manawa e tīpokapoka ana, pōātinitini, tāporepore rānei	Me wawe te kōrero atu ki tō rata
Ka pupuhi ngā waewae, hēmanawa	Me kōrero atu ki tō rata
Uraura Ānini māhunga	Me kōrero atu ki tō rata mēnā kei te mamae
Ko ngā tohumate o te toto pūroto pērā i te pōātinitini, tāporepore rānei	Me āta tū ake. Mēnā kei te pā tonu mai, he tino kino rānei me kōrero atu ki tō rata.

Ki te pā mai ētahi atu hua kino, me kōrero atu ki tō rata, kaitaka rongoā rānei.

Ētahi atu mōhiohio:

• Kaua rawa e mutu te kai diltiazem me kōrero ki tō rata i te tuatahi.