He aha te mahi?

Mai i te Haratua 2020, kua uaua te tiki i ngā ratonga benzbromarone puta noa i te ao. Me whakawhiti koe ki tētahi atu rongoā ārai kauti, pērā i te allopurinol. Me whakapā atu ki tō mātanga, rata rānei mō ngā tohutohu.

Whakamahia ai te benzbromarone hei ārai i te kauti. Ka āwhina i ō tākihi ki te tango i te waikawa uriki mai i ō toto.

I mua i to tīmata

• Me kōrero atu ki tō rata mēnā he raruraru ate tōu, he kōhatu tākihi rānei i tōu i mua.
• Me kōrero atu ki tō rata mēnā kei te hapū koe, kei te whai rānei koe kia hapū koe, kei te whāngaiū rānei.

Me pēhea te kai?

Me kai te benzbromarone e ai ki ngā tohutohu me tētahi inu wai.

Ka aha mēnā ka wareware i a koe tētahi horopeta te kai?

Kainga te horopeta i tāhapa i a koe mēnā ka maumahara koe i taua rā anō. Ki te kore, me waiho ka haere tonu. Kaua rawa e kai i ngā horopeta e rua i te wā kotahi.

Ka taea anō e koe ētahi atu rongoā te kai?

Ka tukituki pea ētahi rongoā ehara i te ōta rongoā ki te benzbromarone, pērā i ēnei:

• fluconazole (hei tauira, Diflucan®)

Ka whakarahi ake i te benzbromarone te pānga o te warfarin. Mēnā kei te kai warfarin koe, ā, ka tīmata, ka mutu rānei te kai benzbromarone, me whakarerekē te horopeta warfarin, ā, me nui ake ō aromatawai toto INR. Me kōrero e koe tēnei me tō mātanga hauora.

Me kōrero atu ki tō kaitaka rongoā, rata rānei mō ngā rongoā katoa, whakamaimoatanga rānei e whiwhi ana koe, tae atu ki ngā huaora, ngā hua otaota, ngā whakapōauau rānei.

He aha ngā hua kino ka rongo pea koe?

Ngā Hua Kino	Tūtohutanga hei whai
Ko ngā tohumate o te mate ate ko te: kōwhai o te kiri, karu rānei, mangeo, pōuri o te mimi, kōmā o te hamuti, mamae puku Ka aumou te maremare, he uaua te hēhē	Me wawe te kōrero atu ki tō rata
Mamae te tuarā o raro, he māwhero/whero/parauri te mimi (he kōhatu tākihi pea)	Me kōrero atu ki tō rata
Mate tikotiko	Me kōrero atu ki tō rata mēnā kei te mamae

Ki te pā mai ētahi atu hua kino, me kōrero atu ki tō rata, kaitaka rongoā rānei.

Ētahi atu mōhiohio:

• Pai mai ai ngā raruraru ate i te benzbromarone. Me ōrite tō whiwhi aromatawai toto hei tirotiro kei te pēhea te mahi a tō ate. Ki te nui rawa te inu waipiro ka piki te tūpono pā mai o ngā raruraru ate.
• Ka pā mai te mate kauti i te benzbromarone ina tīmata tō kai, nō reira ka tūtohua e tō rata he rongoā atu anō hei ārai i tēnei. Me kai haere tonu te benzbromarone ina pā mai te mate kauti. Ki te whakamutu tonu te kai i ngā pire ko te tikanga ka hē kē atu tō kauti.
• Ka pā mai pea ngā kōhatu tākihi i te benzbromarone ki te kore e rawaka te inu wai. Me kōrero atu ki tō mātanga hauora.
• Kāore te benzbromarone i te rēhita hei whakamahi i Aotearoa. Me kōrero ki tō rata.