He aha te mahi?

Ka whakamahia te ipratropium ki te whakamaimoa i ngā raruraru whakahā pērā i te COPD me te huangō. Ka huaki tēnei i ngā arahau whāiti kia māmā ake te whakahā.

I mua i to tīmata

• Me kōrero atu ki tō rata mēnā kei te hapū koe, kei te whai rānei koe kia hapū koe, kei te whāngaiū rānei.

Me pēhea te whakamahi?

Me whakangā te ipratropium e ai ki ngā tohutohu a tō mātanga hauora.

Ka aha mēnā ka wareware i a koe tētahi horopeta te kai?

Mēnā kua tata ki te wā mō tō horopeta whai ake, me waiho te horopeta i tāhapatia ka whakangā i tō horopeta whai ake i te wā e tika ana. Tērā rānei, me whakangā te horopeta i tāhapatia ina maumahara ana koe. Kaua rawa e whakangā ngā horopeta e rua i te wā kotahi.

Ka taea anō e koe ētahi atu rongoā te kai?

Me kōrero atu ki tō kaitaka rongoā, rata rānei mō ngā rongoā katoa, whakamaimoatanga rānei e whiwhi ana koe, tae atu ki ngā huaora, ngā hua otaota, ngā whakapōauau rānei.

He aha ngā hua kino ka rongo pea koe?

Ngā Hua Kino	Tūtohutanga hei whai
Waha maroke, tāwara mōtuhi	Me kōrero atu ki tō rata mēnā kei te mamae

Ki te pā mai ētahi atu hua kino, me kōrero atu ki tō rata, kaitaka rongoā rānei.

Ētahi atu mōhiohio:

• Kia tūpato kei uru te wainehu mai i ngongō ipratropium, pūwainehu rānei ki o karu. Ki te pā mai tēnei, me tino horoi i ō karu ki te wai.
• Ka hēmanawa ētahi tāngata e pāngia ana e te mate huangō i muri i te kai i ngā rongoā whakamaene mamae pērā i te aspirin (hei tauira, Aspec®), diclofenac (hei tauira, Voltaren®), ibuprofen (hei tauira, Nurofen®) rānei. Me kōrero atu ki tō mātanga hauora.
• Mēnā me whakamahi koe i te ipratropium i ngā wā maha i te wiki, ka tukuna pea e tō rata he ngongō 'pūārai' ki a koe. Ka āwhina ngā pūārai hei whakaiti i ngā tohumate huangō me ngā raruraru whakahā.
• Ka hē kē atu te whakahā i te whakamahi ngongō. Me kōrero atu ki tō mātanga hauora mō tēnei.