He aha te mahi?

Ka whakamahia te salmeterol ki te ārai i ngā raruraru whakahā pērā i te COPD. Ka huaki tēnei i ngā arahau whāiti kia māmā ake te whakahā.

I mua i to tīmata

• Me kōrero atu ki tō rata mēnā kei te hapū koe, kei te whai rānei koe kia hapū koe, kei te whāngaiū rānei.

Me pēhea te whakamahi?

Me whakangā te salmeterol e ai ki ngā tohutohu a tō mātanga hauora.
Ka pai ake te mahi a te salmeterol ina whakamahia i ia rā.
Mēnā he mate huangō koe, me mātua whakamahi te salmeterol me tētahi atu 'pūārai' (hei tauira, beclometasone, budesonide, fluticasone rānei).

Mēnā he wawe tō hiahia i ngā rongoā whakamaene mai i ngā tohumate huangō, ngā raruraru whakahā rānei, me whakamahi i tō rongoā 'whakamāmā' (hei tauira, salbutamol, terbutaline, ipratropium).

Ka aha mēnā ka wareware i a koe tētahi horopeta te kai?

Mēnā kua tata ki te wā mō tō horopeta whai ake, me waiho te horopeta i tāhapatia ka whakangā i tō horopeta whai ake i te wā e tika ana. Tērā rānei, me whakangā te horopeta i tāhapatia ina maumahara ana koe. Kaua rawa e whakangā ngā horopeta e rua i te wā kotahi.

Ka taea anō e koe ētahi atu rongoā te kai?

Me kōrero atu ki tō kaitaka rongoā, rata rānei mō ngā rongoā katoa, whakamaimoatanga rānei e whiwhi ana koe, tae atu ki ngā huaora, ngā hua otaota, ngā whakapōauau rānei.

He aha ngā hua kino ka rongo pea koe?

Ngā Hua Kino	Tūtohutanga hei whai
Ko ngā tohumate o te kapa manawa tere, pokapoka rānei ko te: kaka, pātukituki, mamae rānei i tō poho, pōātinitini, tāporepore rānei	Me kōrero atu ki tō rata
Wiriwiri, ka uauawhiti	Me kōrero atu ki tō rata mēnā kei te mamae

Ki te pā mai ētahi atu hua kino, me kōrero atu ki tō rata, kaitaka rongoā rānei.

Ētahi atu mōhiohio:

• Ka hē kē atu te whakahā i te whakamahi ngongō. Me kōrero atu ki tō mātanga hauora mō tēnei.