He aha te mahi?

He rongoā pūtaiaki te prednisone hei whakamaimoa me te ārai i ngā mate rerekē e pā mai ai te kakātanga. Ka whakamahia anō hei whakakapi i ngā pūtaiaki tūturu ake o tō tinana ki te kore e rawaka te whakaputa a tō tinana i ēnei.

I mua i to tīmata

• Me kōrero atu ki tō rata mēnā kei te hēnga manawa, te toto pōrutu, matehuka, papahewa, mate kōiwi (kōiwi ngoikore) rānei, he māuiui kare ā-roto, mēnā rānei i pā mai he rehu ohotata i mua.
• Me kōrero atu ki tō rata mēnā kei te hapū koe, kei te whai rānei koe kia hapū koe, kei te whāngaiū rānei.

Me pēhea te kai?

Me kai te prednisone e ai ki ngā tohutohu, ā, i te nuinga o te wā i te ata. Me kīnaki ki te kai me te wai.

Ka aha mēnā ka wareware i a koe tētahi horopeta te kai?

Mēnā kua tata ki te wā mō tō horopeta whai ake, me waiho te horopeta i tāhapa ka kai i tō kai horopeta whai ake hei taua wā anō. Tērā rānei, me kai te horopeta i tāhapa ina maumahara koe. Kaua rawa e kai i ngā horopeta e rua i te wā kotahi.

Ka taea anō e koe ētahi atu rongoā te kai?

Ka tukituki pea ētahi rongoā ehara i te ōta rongoā ki te prednisone, pērā i ēnei:

• ngā pire ārai-whakakakā, pērā i te diclofenac (hei tauira, Voltaren®), ibuprofen (hei tauira, Nurofen®), aspirin rānei (hei tauira, Disprin®, kei ngā horopeta whakamauru mamae). Ka kitea ēnei i roto i ētahi rongoā rewharewha me te whurū (hei tauira, Nurofen Cold me te Flu®)

Me kōrero atu ki tō kaitaka rongoā, rata rānei mō ngā rongoā katoa, whakamaimoatanga rānei e whiwhi ana koe, tae atu ki ngā huaora, ngā hua otaota, ngā whakapōauau rānei.

He aha ngā hua kino ka rongo pea koe?

Ngā Hua Kino	Tūtohutanga hei whai
Ka rerekē haere te kite Ka nui ake te haere ki te mimi, te hiainu Ka mamae ngā uaua, kōiwi rānei	Me kōrero atu ki tō rata
Ka rerekē te āhua ngākau, kārangi, raruraru te moe Ka taumaha haere, ka pupuhi ngā waewae Te mariao	Me kōrero atu ki tō rata mēnā kei te mamae
Ka mamae te puku	Me kīnaki ki te kai, ā, ka kōrero atu ki tō rata mēnā ka pā tonu mai ngā tohumate

Ki te pā mai ētahi atu hua kino, me kōrero atu ki tō rata, kaitaka rongoā rānei.

Ētahi atu mōhiohio:

• Mēnā he nui ō horopeta prednisone, mēnā ka kai mō tētahi wā roa rānei, he mōrearea mēnā ka mutu tonu tō kai i tēnei rongoā. Ka whakaiti haerehia pea ngā horopeta e tō rata ina eke ki te wā hei whakamutu.
• Ka pā mai pea ngā pānga kino o te whakamahi wā roa i te prednisone pērā i te: kanohi porowhita, ka rerekē te āhua o te tinana, ka rerekē te tipu o ngā makawe, kiri mataero, kōiwi ngoikore, te toto pōrutu, me te mate huka.
• Ka whakangoikore pea e te whakamahi wā roa i te prednisone tō pūnaha ārai mate, e uaua ake ai mō tō tinana ki te whawhai i ngā whakapokenga. Me whakapā atu ki tō rata mēnā ka māuiui koe, ka pā rānei koe ki tētahi he mate kapo tōna pērā i te koroputa hei, te karawaka rānei.
• Me pātai ki tō rata he aha ngā kano ārai mate me whiwhi pea koe i mua i tō tīmata, ā, i a koe e kai ana i te prednisone. Kaua koe e whiwhi kano ārai ora i a koe e kai ana i te prednisone.
• He mea nui kia kōrero atu koe ki te hunga tuku whakamaimoatanga hauora, hauora niho rānei kei te kai prednisone.