He aha te mahi?

Whakamahia ai te probenecid hei whakapiki i te pānga o ētahi rongoā paturopi. Ka whakamahia anō hei ārai i te kauti.

I mua i to tīmata

• Me kōrero atu ki tō rata mēnā kei te mate ō tākihi.
• Me kōrero atu ki tō rata mēnā kei te hapū koe, kei te whai rānei koe kia hapū koe, kei te whāngaiū rānei.

Me pēhea te kai?

Me kai te probenecid e ai ki ngā tohutohu me tētahi inu wai. Ka taea tēnei te kai i te taha o te kai, kāore rānei.

Ka pā anō mai te mate kauti i ētahi wā ina tīmata koe ki te kai probenecid. Ka tūtohu pea tō rata i tētahi atu rongoā hei ārai i tēnei. Me kai haere tonu te probenecid ina pā mai te mate kauti. Ki te whakamutu tonu te kai i ngā pire ko te tikanga ka hē kē atu tō kauti.

Ka aha mēnā ka wareware i a koe tētahi horopeta te kai?

Mēnā kua tata ki te wā mō tō horopeta whai ake, me waiho te horopeta i tāhapa ka kai i tō kai horopeta whai ake hei taua wā anō. Tērā rānei, me kai te horopeta i tāhapa ina maumahara koe. Kaua rawa e kai i ngā horopeta e rua i te wā kotahi.

Ka taea anō e koe ētahi atu rongoā te kai?

Ka tukituki pea ētahi rongoā ehara i te ōta rongoā ki te probenecid, pērā i ēnei:

• aspirin (hei tauira, Disprin®, ki ngā horopeta mō te whakamauru mamae)

Me kōrero atu ki tō kaitaka rongoā, rata rānei mō ngā rongoā katoa, whakamaimoatanga rānei e whiwhi ana koe, tae atu ki ngā huaora, ngā hua otaota, ngā whakapōauau rānei.

He aha ngā hua kino ka rongo pea koe?

Ngā Hua Kino	Tūtohutanga hei whai
Ngā tohumate o te mate pāwera, tae atu ki te: kōpukupuku, mangeo, pupuhi, uaua te hēhē	Me wawe te kōrero atu ki tō rata
Mimi pāhuka, ka pupuhi ngā waewae (he raruraru tākihi pea)	Me kōrero atu ki tō rata
Ka mamae te puku	Me kōrero atu ki tō rata mēnā kei te mamae

Ki te pā mai ētahi atu hua kino, me kōrero atu ki tō rata, kaitaka rongoā rānei.

Ētahi atu mōhiohio:

• Ka pā mai pea ngā kōhatu tākihi i te probenecid ki te kore e rawaka te inu wai. Me kōrero atu ki tō mātanga hauora.
• Me auau tō whiwhi whakamātautau toto pea i a koe e kai ana i te probenecid kia mātua whiwhi koe i te horopeta tika, hei tirotiro mēnā kei te pā he raruraru ki ō tākihi.