He aha te mahi?

Ka whakamahia te terbutaline ki te whakamaimoa i ngā raruraru whakahā pērā i te huangō. Ka huaki tēnei i ngā arahau whāiti kia māmā ake te whakahā.

I mua i to tīmata

• Me kōrero atu ki tō rata mēnā kei te hapū koe, kei te whai rānei koe kia hapū koe, kei te whāngaiū rānei.

Me pēhea te whakamahi?

Me whakangā te terbutaline e ai ki ngā tohutohu a tō mātanga hauora.

Ka taea anō e koe ētahi atu rongoā te kai?

Me kōrero atu ki tō kaitaka rongoā, rata rānei mō ngā rongoā katoa, whakamaimoatanga rānei e whiwhi ana koe, tae atu ki ngā huaora, ngā hua otaota, ngā whakapōauau rānei.

He aha ngā hua kino ka rongo pea koe?

Ngā Hua Kino	Tūtohutanga hei whai
Ko ngā tohumate o te kapa manawa tere, pokapoka rānei ko te: kaka, pātukituki, mamae rānei i tō poho, pōātinitini, tāporepore rānei	Me kōrero atu ki tō rata
Wiriwiri, ka uauawhiti Āmaimai	Me kōrero atu ki tō rata mēnā kei te mamae

Ki te pā mai ētahi atu hua kino, me kōrero atu ki tō rata, kaitaka rongoā rānei.

Ētahi atu mōhiohio:

• Ka hēmanawa ētahi tāngata e pāngia ana e te mate huangō i muri i te kai i ngā rongoā whakamaene mamae pērā i te aspirin (hei tauira, Aspec®), diclofenac (hei tauira, Voltaren®), ibuprofen (hei tauira, Nurofen®) rānei. Me kōrero atu ki tō mātanga hauora.
• Mēnā me whakamahi koe i te terbutaline i ngā wā maha i te wiki, ka tukuna pea e tō rata he ngongō 'pūārai' ki a koe. Ka āwhina ngā pūārai hei whakaiti i ngā tohumate huangō me ngā raruraru whakahā.
• Ka hē kē atu te whakahā i te whakamahi ngongō. Me kōrero atu ki tō mātanga hauora mō tēnei.
• Me noho tata mai tō terbutaline i ngā wāhi katoa, kia mōhio ai koe kei hea ina hiahiatia e koe.