He aha te mahi?

Whakamahia ai te colchicine hei whakamaimoa me te ārai i te mate kauti. Ka whakamahia anō i ētahi wā mō ētahi atu mate pēnei i te pericarditis (te kakātanga huri noa i tō manawa).

I mua i to tīmata

• Me kōrero atu ki tō rata mēnā he raruraru tākihi, ate, toto rānei ōu, he raruraru kōpiro e hua ai te mate tikotiko.
• Me kōrero atu ki tō rata mēnā kei te hapū koe, kei te whai rānei koe kia hapū koe, kei te whāngaiū rānei.
• Ka whai pānga te whakamahinga wā roa o te colchicine ki te hapūtanga o te tāne. Me kōrero ki tō rata mō tēnei.

Me pēhea te kai?

Me kai te colchicine e ai ki ngā tohutohu me tētahi inu wai. Ka taea tēnei te kai i te taha o te kai, kāore rānei.

Wāhanga poto mō te mate kauti: Mēnā kua kai colchicine koe mō tētahi mate kauti i ngā rā e 3 kua pahure, kaua e tīmataria he wāhanga anō. Whakapā atu ki tō rata kia kōrero kōrua mō ō kōwhiringa.

Ka aha mēnā ka wareware i a koe tētahi horopeta te kai?

Mēnā kua tata ki te wā mō tō horopeta whai ake, me waiho te horopeta i tāhapa ka kai i tō kai horopeta whai ake hei taua wā anō. Tērā rānei, me kai te horopeta i tāhapa ina maumahara koe. Kaua rawa e kai i ngā horopeta e rua i te wā kotahi.

Ka taea anō e koe ētahi atu rongoā te kai?

Ka tukituki pea ētahi rongoā ehara i te ōta rongoā ki te colchicine, pērā i ēnei:

• fluconazole (hei tauira, Diflucan®)

Me kōrero atu ki tō kaitaka rongoā, rata rānei mō ngā rongoā katoa, whakamaimoatanga rānei e whiwhi ana koe, tae atu ki ngā huaora, ngā hua otaota (hei tauira, St John's wort), ngā whakapōauau rānei.

He aha ngā hua kino ka rongo pea koe?

Ngā Hua Kino	Tūtohutanga hei whai
Mate tikotiko Whakapairuaki, ruaki, mamae puku Kua iti ake ngā pūtau toto hei whawhai whakapokenga, hei āwhina kia tepetepe ō toto rānei - ko ētahi tohumate: kirikā, hauaitu, mamae korokoro, māuiui rānei, he māmā, he rerekē rānei te marū, ka toto noa rānei	He tohu pea kei te nui rawa te colchicine. Me wawe te kōrero atu ki tō rata
Ngoikore ngā uaua, tengatenga, kēkerewai rānei	Me kōrero atu ki tō rata

Ki te pā mai ētahi atu hua kino, me kōrero atu ki tō rata, kaitaka rongoā rānei.

Ētahi atu mōhiohio:

• Ka tukituki pea te huakerepe, wai huakerepe rānei, ārangi kawa/Seville rānei ki te colchicine. Me kōrero ki tō kaitaka rongoā.