He aha te mahi?

Whakamahia ai te omeprazole hei whakamaimoa me te ārai i ētahi mate puku, pērā i te tokopā, te rongo i te waikawa puku, me ngā huahua. He whakaiti i te rahinga o te waikawa kei tō puku.

I mua i to tīmata

• Me kōrero atu ki tō mātanga hauora mēnā kei te hapū koe, kei te whai rānei koe kia hapū koe, kei te whāngaiū rānei.

Me pēhea te kai?

Me kai te omeprazole e ai ki ngā tohutohu me tētahi inu wai. Ka taea tēnei te kai i te taha o te kai, kāore rānei, engari ka pai ake pea te mahi mēnā ka kainga i mua o te kai.
Ngā pire rango, pire parehe rānei: Mēnā kei te uaua tō horomi ka taea te huaki te pire rango, te wāwāhi rānei i te pire parehe ka whakaranu ki tētahi rahinga kai ngāwari iti, wē rānei. Me horomi me te kore ngaungau. Kaua e kopenu i ngā mea o roto i te pire rango, pire parehe rānei.
Wē: Kia kaha tonu te rurerure i mua o te whakapeto. Āta inea ia horopeta mā tētahi pūwero, pune ine rānei.

Ka aha mēnā ka wareware i a koe tētahi horopeta te kai?

Mēnā kua tata ki te wā mō tō horopeta whai ake, me waiho te horopeta i tāhapa ka kai i tō kai horopeta whai ake hei taua wā anō. Tērā rānei, me kai te horopeta i tāhapa ina maumahara koe. Kaua rawa e kai i ngā horopeta e rua i te wā kotahi.

Ka taea anō e koe ētahi atu rongoā te kai?

Ka tukituki pea ētahi rongoā ehara i te ōta rongoā ki te omeprazole, pērā i ēnei:

• ngā hua āpiti rino (hei tauira, Ferro-Tab®)

Me kōrero atu ki tō kaitaka rongoā, rata rānei mō ngā rongoā katoa, whakamaimoatanga rānei e whiwhi ana koe, tae atu ki ngā huaora, ngā hua otaota (hei tauira, St John's wort), ngā whakapōauau rānei.

He aha ngā hua kino ka rongo pea koe?

Ngā Hua Kino	Tūtohutanga hei whai
Hukihuki, uauawhiti rānei, ngenge, ngoikore rānei, tengatenga, kēkerewai rānei (he tohu pea kei te iti te konupora)	Me kōrero atu ki tō rata
Ānini māhunga Ka mamae te puku	Me kōrero atu ki tō mātanga hauora mēnā he raruraru

Ki te pā mai ētahi atu hua kino, me kōrero atu ki tō rata, kaitaka rongoā rānei.

Ētahi atu mōhiohio:

• Mēnā e pai ana te whakahaere i ō tohumate, ka tūtohu pea tō rata kia whakamutua te omeprazole. Ina whakamutua e koe ka pā mai pea ngā tohumate pērā i te ruaki waikawa me te pohongāwhā engari ko te tikanga kāore e roa atu i ētahi wiki. Me kōrero atu ki tō mātanga hauora mēnā he raruraru ēnei, ki te kore e pai ake rānei.
• Ka pā mai pea ngā pānga kino o te whakamahi i te omeprazole mō te wā roa pērā i ngā kōiwi ngoikore me te ngā whakapokenga puku. Me kōrero atu ki tō rata mēnā ka tino kaha, mauroa rānei te mate tikotiko me te mamae puku.
• Me putu te wē omeprazole ki te pouaka mātao. Mēnā he toenga wē āu i muri i te rā mōnehu kua tāngia i te pātara, me whakahoki ki tō taka rongoā.