He aha te mahi?

Whakamahia ai te spironolactone hei whakamaimoa i te hēnga manawa, me ētahi atu mate i ētahi wā.

I mua i to tīmata

• Me kōrero atu ki tō rata mēnā kei te mate ō tākihi.
• Me kōrero atu ki tō rata mēnā kei te hapū koe, kei te whai rānei koe kia hapū koe, kei te whāngaiū rānei.

Me pēhea te kai?

Me kai i te spironolactone e ai ki ngā tohutohu.
Me kīnaki ngā pire ki te karāhe wai.
Āta inea te wē mā tētahi pūwero, pune ine rānei.

Ka aha mēnā ka wareware i a koe tētahi horopeta te kai?

Mēnā kua tata ki te wā mō tō horopeta whai ake, me waiho te horopeta i tāhapa ka kai i tō kai horopeta whai ake hei taua wā anō. Tērā rānei, me kai te horopeta i tāhapa ina maumahara koe. Kaua rawa e kai i ngā horopeta e rua i te wā kotahi.

Ka taea anō e koe ētahi atu rongoā te kai?

Ka tukituki pea ētahi rongoā ehara i te ōta rongoā ki te spironolactone, pērā i ēnei:

• ngā pire ārai-whakakakā, pērā i te diclofenac (hei tauira, Voltaren®), ibuprofen (hei tauira, Nurofen®), aspirin rānei (hei tauira, Disprin®, kei ngā horopeta whakamauru mamae). Ka kitea ēnei i roto i ētahi rongoā rewharewha me te whurū (hei tauira, Nurofen Cold me te Flu®)
• ngā hua āpiti konurehu (hei tauira, Span K®)

Me kōrero atu ki tō kaitaka rongoā, rata rānei mō ngā rongoā katoa, whakamaimoatanga rānei e whiwhi ana koe, tae atu ki ngā huaora, ngā hua otaota, ngā whakapōauau rānei.

He aha ngā hua kino ka rongo pea koe?

Ngā Hua Kino	Tūtohutanga hei whai
Ka rerekē te kapa manawa, ka uauawhiti, ngoikore rānei ngā uaua	Me kōrero atu ki tō rata
Ngā uma nui ake (o te tāne) Ka uaua ake te whakamārō i te ure, te noho mārō rānei, kua kore e hiahia ki te ai Kua rerekē te mate wahine Ka mamae te puku	Me kōrero atu ki tō rata mēnā kei te mamae
Ko ngā tohumate o te toto pūroto pērā i te pōātinitini, tāporepore rānei	Me āta tū ake. Mēnā kei te pā tonu mai, he tino kino rānei me kōrero atu ki tō rata.

Ki te pā mai ētahi atu hua kino, me kōrero atu ki tō rata, kaitaka rongoā rānei.

Ētahi atu mōhiohio:

• Me whiwhi aromatawai toto pea koe i a koe e kai ana i te spironolactone hei tiro i te rahinga o te konurehu i roto i ō toto, ā, me te kite kei te pēhea te mahi a ō tākihi.
• Me putu te wē spironolactone ki te pouaka mātao. Ka mōnehu hei te 30 rā i muri i tō huakitanga tuatahi i te pātara. Mēnā he toenga weu āu i muri i te 30 rā, me whakahoki ki tō taka rongoā.