NZ Formulary

Metformin

met-for-min

He aha te mahi?

Whakamahia ai te metformin hei whakamaimoa i te matehuka, me ētahi atu mate i ētahi wā.

I mua i to tīmata

  • Me kōrero atu ki tō rata mēnā kei te mate ō tākihi.
  • Me kōrero atu ki tō rata mēnā kei te hapū koe, kei te whai rānei koe kia hapū koe, kei te whāngaiū rānei.

Me pēhea te kai?

Me kai te metformin e ai ki ngā tohutohu me tētahi inu wai.

Ka aha mēnā ka wareware i a koe tētahi horopeta te kai?

Mēnā kua tata ki te wā mō tō horopeta whai ake, me waiho te horopeta i tāhapa ka kai i tō kai horopeta whai ake hei taua wā anō. Tērā rānei, me kai te horopeta i tāhapa ina maumahara koe. Kaua rawa e kai i ngā horopeta e rua i te wā kotahi.

Ka taea anō e koe ētahi atu rongoā te kai?

Me kōrero atu ki tō kaitaka rongoā, rata rānei mō ngā rongoā katoa, whakamaimoatanga rānei e whiwhi ana koe, tae atu ki ngā huaora, ngā hua otaota, ngā whakapōauau rānei.

He aha ngā hua kino ka rongo pea koe?

Ngā Hua Kino Tūtohutanga hei whai

Ko ngā tohumate o tētahi raruraru nui e kīia ana ko te lactic acidosis, kei roto ko te: whakapairuaki, ruaki, mate tikotiko, ngoikore, mamae uaua, te tere o te whakahā.

Me wawe te kōrero atu ki tō rata

Ka rerekē te tāwara, kua kore e hiakai

Me kōrero atu ki tō rata mēnā kei te mamae

Ka mamae te puku, patero, tokopā

Pā noa i te tīmatanga engari me pai ake. Me kōrero atu ki tō rata mēnā kei te mamae.

Ki te pā mai ētahi atu hua kino, me kōrero atu ki tō rata, kaitaka rongoā rānei.

Ka haere tonu ngā mōhiohio hira i te whārangi panuku

Ētahi atu mōhiohio:

  • Me whai aromatawai toto auau (HbA1c) koe hei tirotiro he pēhea te pai o te whakahaere i to matehuka.
  • Mēnā ka māuiui koe, me whai i tō mahere rā māuiui mō te matehuka, me kōrero rānei ki tō mātanga hauora.