He aha te mahi?

He rongoā paturopi te phenoxymethylpenicillin ka whakamahia hei whakamaimoa me te ārai i ngā whakapokenga huakita.

I mua i to tīmata

• Me kōrero atu ki tō rata mēnā he raruraru tākihi, mēnā rānei kei te pāwera koe ki ngā rongoā paturopi penicillin.
• Me kōrero atu ki tō rata mēnā kei te hapū koe, kei te whai rānei koe kia hapū koe, kei te whāngaiū rānei.

Me pēhea te kai?

Me kai i te phenoxymethylpenicillin e ai ki ngā tohutohu. Me kai haere kia pau katoa, ahakoa ka pai haere tō āhua.
Pire rango: Me kīnaki ki te inu wai.
Wē: Kia kaha tonu te rurerure i mua o te whakapeto. Āta inea ia horopeta mā tētahi pūwero, pune ine rānei.

Ka aha mēnā ka wareware i a koe tētahi horopeta te kai?

Me wawe tonu te kai i te horopeta ka haere tonu e ai ki ngā tohutohu.

Ka taea anō e koe ētahi atu rongoā te kai?

Me kōrero atu ki tō kaitaka rongoā, rata rānei mō ngā rongoā katoa, whakamaimoatanga rānei e whiwhi ana koe, tae atu ki ngā huaora, ngā hua otaota, ngā whakapōauau rānei.

He aha ngā hua kino ka rongo pea koe?

Ngā Hua Kino	Tūtohutanga hei whai
Ngā tohumate o te mate pāwera, tae atu ki te: kōpukupuku, mangeo, pupuhi, uaua te hēhē	Me wawe te kōrero atu ki tō rata
He tino kaha, mauroa rānei te mate tikotiko, mamae puku	Me kōrero atu ki tō rata
Ngā hakihaki mā iti i rō waha, arero huruhuru (mateīhi ā-waha) Mangeo te tara, tahe (mateīhi ā-tara) rānei	Me kōrero atu ki tō mātanga hauora
Ka mamae te puku	Me kōrero atu ki tō rata mēnā kei te mamae

Ki te pā mai ētahi atu hua kino, me kōrero atu ki tō rata, kaitaka rongoā rānei.

Ētahi atu mōhiohio:

• Me rokiroki te wē phenoxymethylpenicillin e ai ki ngā tohutohu. Ina pau te wā mō te kai i te rongoā, me whakahoki e koe te toenga wē ki tō taka rongoā.