NZ Formulary

Allopurinol

al-oh-pure-ih-nol

He aha te mahi?

Whakamahia ai te allopurinol hei ārai i te kauti me ngā kōhatu tākihi. He whakaiti i te rahinga waikawa uriki e mahia ana e tō tinana.

I mua i to tīmata

  • Me kōrero atu ki tō rata mēnā he raruraru tākihi, ate rānei tōu.
  • Me kōrero atu ki tō rata mēnā kei te hapū koe, kei te whai rānei koe kia hapū koe, kei te whāngaiū rānei.

Me pēhea te kai?

Me kai i te allopurinol e ai ki ngā tohutohu. Me kīnaki ki te kai me te wai.

Ka aha mēnā ka wareware i a koe tētahi horopeta te kai?

Mēnā kua tata ki te wā mō tō horopeta whai ake, me waiho te horopeta i tāhapa ka kai i tō kai horopeta whai ake hei taua wā anō. Tērā rānei, me kai te horopeta i tāhapa ina maumahara koe. Kaua rawa e kai i ngā horopeta e rua i te wā kotahi.

Ka taea anō e koe ētahi atu rongoā te kai?

Me kōrero atu ki tō kaitaka rongoā, rata rānei mō ngā rongoā katoa, whakamaimoatanga rānei e whiwhi ana koe, tae atu ki ngā huaora, ngā hua otaota, ngā whakapōauau rānei.

He aha ngā hua kino ka rongo pea koe?

Ngā Hua Kino Tūtohutanga hei whai

Kōpukupuku, mangeo, kirikā

Me mutu te kai rongoā, ā, me wawe tō haere ki te kite i tō rata

Kei te uaua te mimi

Mate kauti

Ānini māhunga, pōātinitini, hiamoe

Me kōrero atu ki tō rata mēnā kei te mamae

Ka mamae te puku

Me kīnaki ki te kai

Ki te pā mai ētahi atu hua kino, me kōrero atu ki tō rata, kaitaka rongoā rānei.

Ka haere tonu ngā mōhiohio hira i te whārangi panuku

Ētahi atu mōhiohio:

  • Ka pā mai pea ngā kōhatu tākihi i te allopurinol ki te kore e rawaka te inu wai. Me kōrero atu ki tō mātanga hauora.
  • Ka pā mai te mate kauti i te allopurinol ina tīmata tō kai, nō reira ka tūtohua e tō rata he rongoā atu anō hei ārai i tēnei. Me kai haere tonu te allopurinol ina pā mai te mate kauti. Ki te whakamutu tonu te kai i ngā pire ko te tikanga ka hē kē atu tō kauti.