He aha te mahi?
He taiaki huka mahi hohoro te insulin glulisine hei whakamaimoa i te matehuka.
I mua i to tīmata
- Me kōrero atu ki tō rata mēnā he raruraru tākihi, ate, repe tenga rānei tōu.
- Me kōrero atu ki tō rata mēnā kei te hapū koe, kei te whai rānei koe kia hapū koe, kei te whāngaiū rānei.
Me pēhea te whakamahi?
Me wero te insulin glulisine ki ngā pūtautau mōmona i raro i te kiri (subcutaneously). Ko te tikanga ko te puku te wāhi pai rawa hei wero. Me neke haere te wāhi weronga kia kore ai e kōpukupuku te kiri.
Ka aha mēnā ka wareware i a koe tētahi horopeta te kai?
Ki te tāhapa i a koe tētahi horopeta insulin glulisine ka mutu kua kai kē koe, me tirotiro ō toto huka. Mēnā he teitei, me whai i ngā tohutohu mō te huka toto nui (hyperglycemia). Tērā rānei, me waiho te horopeta ka haere tonu e ai ki ngā tohutohu. Mēnā kāore koe i te tino mōhio, whakapā atu ki tō mātanga hauora.
Ka taea anō e koe ētahi atu rongoā te kai?
Me kōrero atu ki tō kaitaka rongoā, rata rānei mō ngā rongoā katoa, whakamaimoatanga rānei e whiwhi ana koe, tae atu ki ngā huaora, ngā hua otaota, ngā whakapōauau rānei.
He aha ngā hua kino ka rongo pea koe?
| Ngā Hua Kino | Tūtohutanga hei whai |
|---|---|
|
Ngā tohumate o te mate pāwera, tae atu ki te: kōpukupuku, mangeo, pupuhi, uaua te hēhē |
Me wawe te kōrero atu ki tō rata |
|
Huka toto iti rawa: ko ngā tohumate pea ko te heke werawera, wiriwiri, anipā, kārangirangi rānei |
Me inu, me kai rānei he mea reka. Me kōrero atu ki tō mātanga hauora mēnā he rite tonu te pā mai, he tino kino rānei. |
|
Mamae, pāwera, wherowhero rānei i te wāhi i weroa |
Me kōrero atu ki tō mātanga hauora mēnā he raruraru |
Ki te pā mai ētahi atu hua kino, me kōrero atu ki tō rata, kaitaka rongoā rānei.
Ētahi atu mōhiohio:
- Ki te māuiui koe, me whakarerekē ō kai, ō mahi korikori tinana rānei, ka rerekē anō ō hiahia taiaki huka. Me kōrero ki tō mātanga hauora mō tēnei.
- Ka huria pea e tō waipiro ō hiahia huka toto me te taiaki huka. Me whakarerekē tō aromatawai huka me te whakamaimoatanga taiaki huka mēnā kei te inu waipiro.
- Me aromatawai tō huka toto i mua i ngā kai, 2 haora i muri i ngā kai me te wā moe, e ai ki ngā tohutohu rānei.
- Me noho kati te taiaki huka i roto i te pouaka whakamātao. Ina tīmata koe ki te whakamahi, ka taea te waiho ki te pāmahana rūma mō te takiwā pea o te 4 wiki (tirohia te wā kei te pākete mō tō taiaki huka). I muri i tēnei, me whakahoki ngā toenga taiaki huka ki tō taka rongoā.
- Me mau ko ngā tuakiri hauora (hei tauira, pare whatianga MedicAlert) e tohu ana he mate huka tōu. Me putu he taiaki huka tāpiri me ngā ngira me tētahi kai reka i tō taha i ngā wā katoa.
He mōhiohio hira kei roto i tēnei mātārere, engari ehara koinei ngā mōhiohio katoa, mō tēnei rongoā.
I whakaritea e te Komiti MyMedicines i te Hōhipera o Ōtautahi, Te Whatu Ora - Waitaha, Aotearoa. Poutū-te-rangi 2023
For more general information about this sheet and its contents, see: What does a My Medicines sheet cover?
Te Reo Māori
Te Reo Māori information sheets supported by Health Quality and Safety Commission New Zealand
Web links for this sheet in different formats
Click on buttons to copy web addresses for this leaflet:
If your browser does not automatically copy these links use its copy command instead.
About My Medicines
My Medicines Patient Information Leaflets (PILs) contain important, but not all, information about the medicines they describe.
For more information about the sheets, see: What does a My Medicines sheet cover?
My Medicines is developed by a team at Te Whatu Ora – Waitaha. Our team is made up of doctors, pharmacists, and a non-medical person to help us keep to plain language. We also discuss our information with specialist health professionals or groups when needed