NZ Formulary

Colchicine

kol-chi-seen

He aha te mahi?

Whakamahia ai te colchicine hei whakamaimoa me te ārai i te mate kauti. Ka whakamahia i ētahi wā mō ētahi atu mate.

I mua i to tīmata

  • Me kōrero atu ki tō rata mēnā he raruraru tākihi, raruraru ate, manawa, toto, uaua, puku rānei tōu, he mate kōpiro rānei tōu.
  • Me kōrero atu ki tō rata mēnā kei te hapū koe, kei te whai rānei koe kia hapū koe, kei te whāngaiū rānei.
  • Ka whai pānga te colchicine ki te hapūtanga – me kōrero ki tō rata mō tēnei.

Me pēhea te kai?

Me kai te colchicine e ai ki ngā tohutohu me tētahi inu wai.

Ka aha mēnā ka wareware i a koe tētahi horopeta te kai?

Mēnā kua tata ki te wā mō tō horopeta whai ake, me waiho te horopeta i tāhapa ka kai i tō kai horopeta whai ake hei taua wā anō. Tērā rānei, me kai te horopeta i tāhapa ina maumahara koe. Kaua rawa e kai i ngā horopeta e rua i te wā kotahi.

Ka taea anō e koe ētahi atu rongoā te kai?

Ka tukituki pea ētahi rongoā ehara i te ōta rongoā ki te colchicine, pērā i ēnei:

  • fluconazole (hei tauira, Diflucan®)

Me kōrero atu ki tō kaitaka rongoā, rata rānei mō ngā rongoā katoa, whakamaimoatanga rānei e whiwhi ana koe, tae atu ki ngā huaora, ngā hua otaota (hei tauira, St John's wort), ngā whakapōauau rānei.

He aha ngā hua kino ka rongo pea koe?

Ngā Hua Kino Tūtohutanga hei whai

Mate tikotiko

Whakapairuaki, ruaki, mamae puku

Kōpukupuku, mangeo

Kua iti ake ngā pūtau toto hei whawhai whakapokenga, hei āwhina kia tepetepe ō toto rānei - ko ētahi tohumate: kirikā, hauaitu, mamae korokoro, māuiui rānei, he māmā, he rerekē rānei te marū, ka toto noa rānei

Me mutu te kai rongoā, ā, me wawe tō haere ki te kite i tō rata

Tengatenga, kēkerewai rānei

Ngoikore ngā uaua

Me kōrero atu ki tō rata

Ka kore haere ō makawe, hewa haere rānei, kua kore e hiakai

Me kōrero atu ki tō rata mēnā kei te mamae

Ki te pā mai ētahi atu hua kino, me kōrero atu ki tō rata, kaitaka rongoā rānei.

Ētahi atu mōhiohio:

  • Mēna kei te kai colchicine koe mō tētahi mate kauti, kaua e nui ake te kai i te horopeta tapeke mōrahi e tohutohutia ana e tō rata. Mēnā i kainga e koe te colchicine i roto i ngā rā whakamutunga e 3, kaua e tīmataria he wāhanga anō. Me kōrero ki tō rata.
  • Ka tukituki pea te huakerepe, wai huakerepe rānei, ārangi kawa/Seville rānei ki te colchicine. Me kōrero ki tō kaitaka rongoā.