He aha te mahi?

Whakamahia ai te benzbromarone hei ārai i te kauti. Ka āwhina i ō tākihi ki te tango i te waikawa uriki mai i ō toto.

I mua i to tīmata

• Me kōrero atu ki tō rata mēnā he raruraru ate tōu, he kōhatu tākihi rānei i tōu i mua.
• Me kōrero atu ki tō rata mēnā kei te hapū koe, kei te whai rānei koe kia hapū koe, kei te whāngaiū rānei.

Me pēhea te kai?

Me kai te benzbromarone e ai ki ngā tohutohu me tētahi inu wai. Ka taea tēnei te kai i te taha o te kai, kāore rānei.

Ka pā anō mai te mate kauti i ētahi wā ina tīmata koe ki te kai benzbromarone. Ka tūtohu pea tō rata i tētahi atu rongoā hei ārai i tēnei. Me kai haere tonu te benzbromarone ina pā mai te mate kauti. Ki te whakamutu tonu te kai i ngā pire ko te tikanga ka hē kē atu tō kauti.

Ka aha mēnā ka wareware i a koe tētahi horopeta te kai?

Mēnā kua tata ki te wā mō tō horopeta whai ake, me waiho te horopeta i tāhapa ka kai i tō kai horopeta whai ake hei taua wā anō. Tērā rānei, me kai te horopeta i tāhapa ina maumahara koe. Kaua rawa e kai i ngā horopeta e rua i te wā kotahi.

Ka taea anō e koe ētahi atu rongoā te kai?

Ka tukituki pea ētahi rongoā ehara i te ōta rongoā ki te benzbromarone, pērā i ēnei:

• aspirin (hei tauira, Disprin®, ki ngā horopeta mō te whakamauru mamae)
• fluconazole (hei tauira, Diflucan®)

Ka whakarahi ake i te benzbromarone te pānga o te warfarin. Mēnā kei te kai warfarin koe, ā, ka tīmata, ka mutu rānei te kai benzbromarone, me whakarerekē te horopeta warfarin, ā, me nui ake ō aromatawai toto INR. Me kōrero e koe tēnei me tō mātanga hauora.

Me kōrero atu ki tō kaitaka rongoā, rata rānei mō ngā rongoā katoa, whakamaimoatanga rānei e whiwhi ana koe, tae atu ki ngā huaora, ngā hua otaota, ngā whakapōauau rānei.

He aha ngā hua kino ka rongo pea koe?

Ngā Hua Kino	Tūtohutanga hei whai
Ko ngā tohumate o te mate ate ko te: kōwhai o te kiri, karu rānei, mangeo, pōuri o te mimi, kōmā o te hamuti, mamae puku Ka aumou te maremare, he uaua te hēhē	Me wawe te kōrero atu ki tō rata
Mamae te tuarā o raro, he māwhero/whero/parauri te mimi (he kōhatu tākihi pea)	Me kōrero atu ki tō rata
Mate tikotiko	Me kōrero atu ki tō rata mēnā kei te mamae

Ki te pā mai ētahi atu hua kino, me kōrero atu ki tō rata, kaitaka rongoā rānei.

Ētahi atu mōhiohio:

• Me auau tō whiwhi whakamātautau toto i a koe e kai ana i te benzbromarone kia mātua whiwhi koe i te horopeta tika, ā, hei tirotiro mēnā kei te pā he raruraru ki tō ate. Ki te nui rawa te inu waipiro ka piki te tūpono pā mai o ngā raruraru ate.
• Ka pā mai pea ngā kōhatu tākihi i te benzbromarone ki te kore e rawaka te inu wai. Me kōrero atu ki tō mātanga hauora.
• Kāore te benzbromarone i te rēhita hei whakamahi i Aotearoa. Me kōrero ki tō rata.