NZ Formulary

Bendroflumethiazide

ben-dro-floo-meth-eye-ah-zide

He aha te mahi?

Whakamahia ai te bendroflumethiazide hei whakamaimoa i te toto pōrutu me te whakaiti i te wai tuwhene i roto i tō tinana.

I mua i to tīmata

  • Me kōrero atu ki tō rata mēnā he mate tākihi ōu, he mate kauti rānei.
  • Me kōrero atu ki tō rata mēnā kei te hapū koe, kei te whai rānei koe kia hapū koe, kei te whāngaiū rānei.

Me pēhea te kai?

Me kai te bendroflumethiazide e ai ki ngā tohutohu me tētahi inu wai. Ka taea tēnei te kai i te taha o te kai, kāore rānei.

Ka aha mēnā ka wareware i a koe tētahi horopeta te kai?

Mēnā kua tata ki te wā mō tō horopeta whai ake, me waiho te horopeta i tāhapa ka kai i tō kai horopeta whai ake hei taua wā anō. Tērā rānei, me kai te horopeta i tāhapa ina maumahara koe. Kaua rawa e kai i ngā horopeta e rua i te wā kotahi.

Ka taea anō e koe ētahi atu rongoā te kai?

Ka tukituki pea ētahi rongoā ehara i te ōta rongoā ki te bendroflumethiazide, pērā i ēnei:

  • ngā pire ārai-whakakakā, pērā i te diclofenac (hei tauira, Voltaren®), ibuprofen (hei tauira, Nurofen®), aspirin rānei (hei tauira, Disprin®, kei ngā horopeta whakamauru mamae). Ka kitea ēnei i roto i ētahi rongoā rewharewha me te whurū (hei tauira, Nurofen Cold me te Flu®)
  • ngā hua āpiti konupūmā (hei tauira, Calci-Tab®)

Me kōrero atu ki tō kaitaka rongoā, rata rānei mō ngā rongoā katoa, whakamaimoatanga rānei e whiwhi ana koe, tae atu ki ngā huaora, ngā hua otaota, ngā whakapōauau rānei.

Ka haere tonu ngā mōhiohio hira i te whārangi panuku

He aha ngā hua kino ka rongo pea koe?

Ngā Hua Kino Tūtohutanga hei whai

Ka rerekē te kapa manawa, ka uauawhiti, ngoikore rānei ngā uaua

Pōraruraru, hiamoe rānei (he tohu pea kei te iti te konutai)

Ka rerekē haere te kite

Me kōrero atu ki tō rata

Ka rauangi ake ki ngā hihi o te rā (tīkākā, kōpukupuku rānei)

Mate kauti

Ka uaua ake te whakamārō i te ure, te noho mārō rānei

Me kōrero atu ki tō rata mēnā kei te mamae

Ko ngā tohumate o te toto pūroto pērā i te pōātinitini, tāporepore rānei

Me āta tū ake. Mēnā kei te pā tonu mai, he tino kino rānei me kōrero atu ki tō rata.

Ki te pā mai ētahi atu hua kino, me kōrero atu ki tō rata, kaitaka rongoā rānei.

Ētahi atu mōhiohio:

  • Me tiaki i a koe anō mai i ngā hihi o te rā i a koe e whakamaimoatia ana ki te bendroflumethiazide. Me uhi i a koe anō i ngā wā katoa me te pani i a koe ki te pani hihirangi whānui (kia SPF 30 i te iti rawa) i a koe i waho. Kaua e whakamahi i ngā moenga whakapākākā kiri.
  • Me whiwhi aromatawai toto pea koe i a koe e kai ana i te bendroflumethiazide hei tiro i te rahinga o te konurehu me te konutai i roto i ō toto, ā, me te kite kei te pēhea te mahi a ō tākihi.