skip to main content

He aha te mahi?

Whakamahia ai te bumetanide hei whakaiti i te wai tuwhene i roto i tō tinana nā ngā raruraru o te manawa, ate, tākihi rānei.

I mua i to tīmata

  • Me kōrero atu ki tō rata mēnā he mate tākihi, mate mimi, he mate kauti ōu rānei.
  • Me kōrero atu ki tō rata mēnā kei te hapū koe, kei te whai rānei koe kia hapū koe, kei te whāngaiū rānei.

Me pēhea te kai?

Me kai te bumetanide e ai ki ngā tohutohu me tētahi inu wai. Ka taea tēnei te kai i te taha o te kai, kāore rānei.
Whai muri i tō kai bumetanide ka nui ake tō mimi, nō reira ka kainga e te nuinga o ngā tāngata i te ata.

Ka aha mēnā ka wareware i a koe tētahi horopeta te kai?

Mēnā kua tata ki te wā mō tō horopeta whai ake, me waiho te horopeta i tāhapa ka kai i tō kai horopeta whai ake hei taua wā anō. Tērā rānei, me kai te horopeta i tāhapa ina maumahara koe. Kaua rawa e kai i ngā horopeta e rua i te wā kotahi.

Ka taea anō e koe ētahi atu rongoā te kai?

Ka tukituki pea ētahi rongoā ehara i te ōta rongoā ki te bumetanide, pērā i ēnei:

  • ngā pire ārai-whakakakā, pērā i te diclofenac (hei tauira, Voltaren®), ibuprofen (hei tauira, Nurofen®), aspirin rānei (hei tauira, Disprin®, kei ngā horopeta whakamauru mamae). Ka kitea ēnei i roto i ētahi rongoā rewharewha me te whurū (hei tauira, Nurofen Cold me te Flu®)

Me kōrero atu ki tō kaitaka rongoā, rata rānei mō ngā rongoā katoa, whakamaimoatanga rānei e whiwhi ana koe, tae atu ki ngā huaora, ngā hua otaota, ngā whakapōauau rānei.

He aha ngā hua kino ka rongo pea koe?

Ngā Hua Kino Tūtohutanga hei whai

Ka rerekē te kapa manawa, ka uauawhiti, ngoikore rānei ngā uaua

Me kōrero atu ki tō rata

Mate kauti

Me kōrero atu ki tō rata mēnā kei te mamae

Ko ngā tohumate o te toto pūroto pērā i te pōātinitini, tāporepore rānei

Me āta tū ake. Mēnā kei te pā tonu mai, he tino kino rānei me kōrero atu ki tō rata.

Ki te pā mai ētahi atu hua kino, me kōrero atu ki tō rata, kaitaka rongoā rānei.

Ētahi atu mōhiohio:

  • Me whiwhi aromatawai toto pea koe i a koe e kai ana i te bumetanide hei tiro i te rahinga o te konurehu i roto i ō toto, ā, me te kite kei te pēhea te mahi a ō tākihi.

He mōhiohio hira kei roto i tēnei mātārere, engari ehara koinei ngā mōhiohio katoa, mō tēnei rongoā.

I whakaritea e te Komiti MyMedicines i te Hōhipera o Ōtautahi, Te Whatu Ora - Waitaha, Aotearoa. Poutū-te-rangi 2023

For more general information about this sheet and its contents, see: What does a My Medicines sheet cover?

Web links for this sheet in different formats

Click on buttons to copy web addresses for this leaflet:

If your browser does not automatically copy these links use its copy command instead.

About My Medicines

My Medicines Patient Information Leaflets (PILs) contain important, but not all, information about the medicines they describe.

For more information about the sheets, see: What does a My Medicines sheet cover?

My Medicines is developed by a team at Te Whatu Ora – Waitaha. Our team is made up of doctors, pharmacists, and a non-medical person to help us keep to plain language. We also discuss our information with specialist health professionals or groups when needed