skip to main content

He aha te mahi?

He rongoā paturopi te flucloxacillin ka whakamahia hei whakamaimoa me te ārai i ngā whakapokenga huakita.

I mua i to tīmata

  • Me kōrero atu ki tō rata mēnā he raruraru tākihi, ate rānei ōu, mēnā rānei kei te pāwera koe ki ngā rongoā paturopi penicillin.
  • Me kōrero atu ki tō rata mēnā kei te hapū koe, kei te whai rānei koe kia hapū koe, kei te whāngaiū rānei.

Me pēhea te kai?

Me kai i te flucloxacillin e ai ki ngā tohutohu. Me kai haere kia pau katoa, ahakoa ka pai haere tō āhua.
Pire rango: Me kīnaki ki te inu wai.
Wē: Kia kaha tonu te rurerure i mua o te whakapeto. Āta inea ia horopeta mā tētahi pūwero, pune ine rānei.

Ka aha mēnā ka wareware i a koe tētahi horopeta te kai?

Me wawe tonu te kai i te horopeta ka haere tonu e ai ki ngā tohutohu.

Ka taea anō e koe ētahi atu rongoā te kai?

Me kōrero atu ki tō kaitaka rongoā, rata rānei mō ngā rongoā katoa, whakamaimoatanga rānei e whiwhi ana koe, tae atu ki ngā huaora, ngā hua otaota, ngā whakapōauau rānei.

He aha ngā hua kino ka rongo pea koe?

Ngā Hua Kino Tūtohutanga hei whai

Ngā tohumate o te mate pāwera, tae atu ki te: kōpukupuku, mangeo, pupuhi, uaua te hēhē

Ko ngā tohumate o te mate ate ko te: kōwhai o te kiri, karu rānei, mangeo, pōuri o te mimi, kōmā o te hamuti, mamae puku

Me wawe te kōrero atu ki tō rata

He tino kaha, mauroa rānei te mate tikotiko, mamae puku

Me kōrero atu ki tō rata

Ngā hakihaki mā iti i rō waha, arero huruhuru (mateīhi ā-waha)

Mangeo te tara, tahe (mateīhi ā-tara) rānei

Me kōrero atu ki tō mātanga hauora

Ka mamae te puku

Me kōrero atu ki tō rata mēnā kei te mamae

Ki te pā mai ētahi atu hua kino, me kōrero atu ki tō rata, kaitaka rongoā rānei.

Ētahi atu mōhiohio:

  • Me rokiroki te wē flucloxacillin e ai ki ngā tohutohu. Ina pau te wā mō te kai i te rongoā, me whakahoki e koe te toenga wē ki tō taka rongoā.

He mōhiohio hira kei roto i tēnei mātārere, engari ehara koinei ngā mōhiohio katoa, mō tēnei rongoā.

I whakaritea e te Komiti MyMedicines i te Hōhipera o Ōtautahi, Te Whatu Ora - Waitaha, Aotearoa. Poutū-te-rangi 2023

For more general information about this sheet and its contents, see: What does a My Medicines sheet cover?

Web links for this sheet in different formats

Click on buttons to copy web addresses for this leaflet:

If your browser does not automatically copy these links use its copy command instead.

About My Medicines

My Medicines Patient Information Leaflets (PILs) contain important, but not all, information about the medicines they describe.

For more information about the sheets, see: What does a My Medicines sheet cover?

My Medicines is developed by a team at Te Whatu Ora – Waitaha. Our team is made up of doctors, pharmacists, and a non-medical person to help us keep to plain language. We also discuss our information with specialist health professionals or groups when needed