NZ Formulary

Candesartan

kan-de-sar-tan

He aha te mahi?

Whakamahia ai te candesartan hei whakamaimoa i te toto pōrutu, te hēnga manawa me ētahi mate tākihi. He whakangohe i ngā ia toto, he whakaheke i te pēhanga toto, ā, ka māmā ake te tuku toto haere a tō manawa ki tō tinana.

I mua i to tīmata

  • Me kōrero atu ki tō rata mēnā kua pā mai te angioedema (pupuhi ngā ngutu, arero, korokoro, kanohi rānei) ki a koe.
  • Me kōrero atu ki tō rata mēnā kei te hapū koe, kei te whai rānei koe kia hapū koe, kei te whāngaiū rānei.

Me pēhea te kai?

Me kai te candesartan e ai ki ngā tohutohu me tētahi inu wai. Ka taea tēnei te kai i te taha o te kai, kāore rānei.

Ka aha mēnā ka wareware i a koe tētahi horopeta te kai?

Mēnā kua tata ki te wā mō tō horopeta whai ake, me waiho te horopeta i tāhapa ka kai i tō kai horopeta whai ake hei taua wā anō. Tērā rānei, me kai te horopeta i tāhapa ina maumahara koe. Kaua rawa e kai i ngā horopeta e rua i te wā kotahi.

Ka taea anō e koe ētahi atu rongoā te kai?

Ka tukituki pea ētahi rongoā ehara i te ōta rongoā ki te candesartan, pērā i ēnei:

  • ngā pire ārai-whakakakā, pērā i te diclofenac (hei tauira, Voltaren®), ibuprofen (hei tauira, Nurofen®), aspirin rānei (hei tauira, Disprin®, kei ngā horopeta whakamauru mamae). Ka kitea ēnei i roto i ētahi rongoā rewharewha me te whurū (hei tauira, Nurofen Cold me te Flu®)
  • ngā hua āpiti konurehu (hei tauira, Span K®)

Me kōrero atu ki tō kaitaka rongoā, rata rānei mō ngā rongoā katoa, whakamaimoatanga rānei e whiwhi ana koe, tae atu ki ngā huaora, ngā hua otaota, ngā whakapōauau rānei.

Ka haere tonu ngā mōhiohio hira i te whārangi panuku

He aha ngā hua kino ka rongo pea koe?

Ngā Hua Kino Tūtohutanga hei whai

Pupuhi ngā ngutu, arero, korokoro, kanohi rānei

Me wawe te kōrero atu ki tō rata

Ka rerekē te kapa manawa, ka uauawhiti, ngoikore rānei ngā uaua

Me kōrero atu ki tō rata

Ko ngā tohumate o te toto pūroto pērā i te pōātinitini, tāporepore rānei

Me āta tū ake. Mēnā kei te pā tonu mai, he tino kino rānei me kōrero atu ki tō rata.

Ki te pā mai ētahi atu hua kino, me kōrero atu ki tō rata, kaitaka rongoā rānei.

Ētahi atu mōhiohio:

  • Me auau tō whiwhi whakamātautau toto i a koe e kai ana i te candesartan hei tirotiro mēnā kei te pā he raruraru ki ō tākihi, te rahinga rānei o te konurehu i roto i ō toto.